Shillong, Nailur 28 : Ka Iingkashari Meghalaya High Court, ha ka sngi Palei kala bthah ia u Chief Secretary ka Jylla ba un pynpaw ia ka kyrteng bad ka kyrdan jong u Ophisar uba ailad ia ka Café ba kan plie hajan ka Pung Umiam wat hapdeng ki jingkhang pyrshah lyngba ki hukum.
Haba shong bishar ia ka PIL halor ka khuid ka suba ka Pung Umiam, ka Division Bench kala ong “La ai notice sha ka Sorkar Jylla ba yn pynngat mukotduma pynkhein hukum ka Iingkasahri (contempt) pyrshah ia ki Ophisar kiba pynkhein ia ki hukum barim bad ailad ia ka café ba kan plie hajan ka pung Umiam bad katto katne ki dukan nar ki ban sa treikam wat hapdeng ki hukum bala khang pyrshah”.
“ U Chief Secretary jong ka Jylla un hap ban pynpaw ia ka kyrteng bad ka kyrdan jong kine ki Ophisar ba lehtam pud” kala bynrap.
Ha ki hukum bala rim, ka Iingkashari kala bthah ia ka Sorkar Jylla ban khmih bad peitngor bha ia baroh ki jingtei kiba lah ban ktah ia ka pung Umiam.
