Shillong, Nailur 28: Ka Executive Committee jong ka Dorbar Shnong Rapleng hynne ka sngi kala maham ia ki nongwan jngoh kai pyrthei ba kidei ban bud ryntih ia ki adong shnong na ka bynta ban wahrah ia ka jingkhuid jingsuba ha ki jaka jngoh kai kiba don hapoh ka shnong.
Haba kren sha ki lad pathai khubor u dkhot ka Executive Committee ka Dorbar Shnong bah Seibor Warbah ula iathuh baka shnong Rapleng kaba don hapoh Mawkynrew Constituency, kadei ka shnong kaba la sdang bha ban khring ia kiba bun ki nongwan jngoh kai pyrthei namar ka jingitynnad jong ki jaka.
U bah Seibor ula pynpaw ba ka Dorbar Shnong ka dap daka jingsngewsih pat namar ki don ki briew kiba wan kai sha katei ka jaka, kila bret klumar ia ki tiar ba ki wanrah kaba pynjaboh pat ia ka mariang
“La ka dei ha Madan Rapleng ne sha Lum Rapleng, ki paidbah kiba wan jngoh kai kidei ban burom lang da kaba kim dei shuh ban ia bret pathar ia ki bilor, ki plastic nalor kiwei kiwie bad khamtam eh ba kim dei ban pynpait bilor namar ka buh jingma ia kiwei pat kiba wan sha katei ka jaka bad khamtam eh ia ki khynnah rit kiba ap sharia masi” ong u bah Seibor.
