Shillong, Nailur 27 : Ka thma siat jri hapdeng ki paid Khasi-Pnar bad ki Karbi kala nang klang mynta ka sngi Balang ha Lapangap, West Jaintia Hills bad la ioh jingtip ba ki don ruh katto katne ngut kiba la mynsaw na baroh arliang mamla.
Mynta ka sngi, sa ki Kynthei naduh ki Longkmie haduh kiba dang samla, kila iamih paidbah ban iasnohkti bad ki rangbah ha kaban ialeh pyrshah ia ki paid Karbi kiba wan thombor ha ka thain.
Ki Longkmie ryngkat ki jri siat sim, kila iamih sha madan ialeh ban iather kuli maw lang bad ki rangbah khlem ka jingriej ia ka pang ka mynsaw ba lah ban shei ki maw ba wan her na ka liang jong ki Karbi,
Kumba jia hynnin, ki Pulit na baroh arliang mamla kila shu long ki nongpeitkai ia kane ka jingialeh thma ki paidbah da ki jri siat sim bad shu ieng iada ba kan ym don ka jingiatur marmet para briew.
La ioh jingtip ba ki Pulit ka Assam hynne ka por 2:30 baje eiei, kila siat ruh da ki bomb tyndong lyer pynsat khmat sha ki Nongshongshnong ka Lapangap namar ka jingiatur palat ia u pud, kaba lah ban lam sha ka jingiatakhuh marmet bad ki paid Karbi.
La iathuh ba ki Pulit ka Assam siat haduh 4-5 tylli ki tyndong lyer pynsat khmat ban nym ailad ia ka jingkynad ba kan nang klang.
Ki longkmie kila bunkam ruh ha ka jingiakyllain myllon (kyllain maw da ka dew byrtha) ban pynbiang ia ki jingdonkam myllom jong ki rangbah bad ki longkmie kiba don ha ka madan ialeh.
Kat kum ka khubor la iathuh ba lai ngut ki nong Lapangap kila mynsaw ha kane ka jingiasiat jri bad ia kine la tip kyrteng da u Bah Nibait Sariang, Bah Ros Shadap bad u Bah Sangaid Joit.
La iathuh ba ki don ruh katto katne ngut ki nong Karbi kiba la maw na ka jingshei ki myllon jong ki paid Khasi Pnar.
Pule lang ia kane: World Tourism Day : Ioh ka Shnong Kongthong ia ka nam “Best Tourism Village 2023”
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
