Imphal, Nailur 26 : Ki Arngut ki samla pule ba jah rngai, kila shah pyniap klep ha ki briew bym lah ban ithuh bad ia ka metiap ba thiah lyngktar ha madan, la shondur bad la pynsaphriang ha ki social media.
Kine ki arngut ki samla, uwei u shynrang bad ka Kynthei, la iohi khatduh ia ki hapoh Bishnapur District ka Manipur.
Kat kum ka khubor, la kynnoh ba kine ki samla pule kila shah rahbor ha ka kynhun kiengatiar na ka thain kaba jia ha ka jaka ba don hapdeng ka Bishnapur bad ka Churachandpur.
La iohi khatduh ia ki lyngba ka CCTV camera bala pyndait ha kawei ka dukan ha u bnai Naitung hynrei hadien kane, ym shym la lapdien shuh ia ki kat haduh ba lap ia ki metiap.
Hadien ba ka dur kala saphriang paidbah, ka Sorkar Manipur kala pynpaw ba kan pynthikna kan shimkhia bad leh eiei mardor halor kane ka kam.
Shuwa kane, ka dur jong kine ki samla pule kababa kynthuh ia ka Samla 18 snem bad u samla 20 snem, ka pyni ba ki dang iashong ha kawei ka madan phlang, kaba paw kum kawei na ki ktem kaikhlaw kaba don ha khlaw.
