Shillong, Nailur 19: Ha kawei ka jingjia ba pynpar niangkhriat ia baroh, ki Draibar ba niah iaka kali kit nuit hynne ka step kila lap ia kawei ka metiap khunlung hapoh ka kali kit niut ha ka shnong Mawpat.
Katba kane ka kali kit niut ka dang iaid kylleng ka shnong Mawpat ban ap ia ki paidbah ba kin wan bret iala ki niut bad katba ki dang kraid iaki niut, kine ki nonglum niut kila kyndit thred ban lap pynban da ka met iap i khunlung ba dang shu kha.
Mar mar kine ki nonglum niut ha ryngkat bad ki riew paidbah kila pyntip noh ia kane ka jingjia sha ki Pulit bad naka liang ki Pulit kila wan ban shim ia kane ka metiap ban leh iaka ba donkam.
Ki Pulit kila rah noh ia kane ka met sha North Eastern Indira Gandhi Regional Institute of Health and Medical Sciences (NEIGRIHMS) ban leh ia ki Test.
Halor kane ka jingjia, u Rangbah Shnong ka shnong Mawpat Pyllun ula ong “Ka Dorbar Shnong ka kyndit mar shu ioh sngew ia kane ka khubor ba lap ia ka met jong i khunlung napoh ka kali kit niut bad kumta ka Dorbar Shnong hynne ka sngi ka la khot jingialang kyrkieh ia ki nongialam shnong”.
U Rangbah Shnong ula iathuh ba ka bor Shnong kan tohkit hi dalade bad kan khot ia baroh ki longïing ki ba ka kali kit ñiut ka la dep ban lum niut ha ka ban tohkit bniah ia ki ban lap ia ki briew ba leit bret ia itei u khunlung hapoh ka trok kit ñiut.
