Shillong, Nailur 15: Ka Meghalaya Poultry Association (MPA) ka khot ia baroh ki nongdie syiar na ki thain Khasi-Jaintia ban pynrung kyrteng noh ialade na ka bynta ban ioh laisen na ka Food Safety and Starndarad Authority of India (FSSAI).
Ka FSSAI kan pynlong iaka jingpynrung kyrteng ia ki nongot dohsyiar na Khasi Jaintia ha ka 19 tarik mynta u bnai .
Haba kren sha ki lad pathai khubor u President ka MPA bah Wanshai Kharshandi, u la ong ba kane ka jingpynrung kyrteng ka dei naka bynta ban ioh ka jingithuh ha ka kam ban die doh syiar ha ka rukom ka ba khuid ba suba katkum ki kyndon ka FSSAI.
U bah Wanshai ula ong ba ki nongot doh syiar ki donkam ban wanrah ia ki EPIC, 2 tylli ki dur passport size, ki kot ki sla kynthup ia ki NOC na ki shnong lane na Municipal lada ki dukan ki don ha ki jaka ba hap ha Municipal area.
“Ha kane ka sngi, ka FSSAI kan ai jinghikai ruh ia ki nongdie doh syiar ha ka ba iadei bad ka rukom otdoh syiar katkum ka juh mynta ha ka rukom ka ba khuid kaba suba bad ban batai halor ki kyndon bad ki rukom treikam haba iadei bad ka rukom otdoh syiar” la ong u bah Wanshai.
Pule lang ia kane: Kem ki Pulit ia arngut ki Nongkhaii droks, kurup heroin ba shongdor T. 5.5 klur
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
