Shillong, Nailur 15: Ka seng Hynniewtrep National Achick Movement (HANM) hynne ka sngi ka pynpaw ka jingsngewkhia halor ka jingthmu ka sorkar pdeng haka jingialam daka Bharatiya Janata Party (BJP) ban pynkylla iaka kyrteng jong ka Ri India shaka Bharat.
Haba kren sha ki lad pathai khubor u President ka HANM bah Lamphrang Kharbani ula kynnoh ba kane ka jingthmu jong ka sorkar pdeng ban pynkylla iaka kyrteng jong ka India shaka Bharat ka paw shai baka sorkar pdeng ka kwah ban wanrah tang kawei ka niam.
U bah Lamphrang ula kynnoh ruh ba kane jingthmu jong ka sorkar BJP ban pynkylla iaka kyrteng jong ka Ri, ka pyni ruh baka BJP ka niewbein iaki paidbah lane iaka synshar paidbah kiba jied iaki nongmihkhmat ban thaw ain.
“Ka HANM kan sa phah jingthoh sha baroh 3 ngut ki MP ban dawa ba kidei ban iasaid hapoh ka Parliament ha ka ban pyrshah ia kane ka jingthmu ka sorkar BJP ” ong u bah Lamphrang.
U bah Lamphrang ula ong ba kane ka jingthmu ka long pyrshah iaka riti synshar ka ri India, ka ba la kdew shai baka India kadei ka ri ba burom ia baroh ki niam, ki jaidbynriew, ki riti dustur, ka ktien ka thylliej bad kiwei kiwei.
Pule lang ia kane: Phaikhmat ka Sorkar sha kiwei ki Thain ka Jylla ban wanrah ia ka lynti rel
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
