Shillong, Nailur 13 : Ki Pulit ANTF ka East Khasi Hills, kila ioh ban kem ia arngut ki nongkhaii droks ha ryngkat bad u heroin na Umpling ha ka miet sngi Ba-ar.
Kine ki arngut ki kyrteng u Wantei Manbha Lyngdoh ba 24 snem bad u Freddy Bantei Dhar ba 29 snem.
Na kine ki briew, ki Pulit kila ioh ban kurup ia 1.13 gram u heroin, 417 tylli ki bilor plastic bar it ba thylli 39 tylli ki nar injek, 2 tylli ki mobile phone, kawei ka Tata Intra Pikup ba don u nombor ML05-Z-9479.
Ia kine ki briew la register case hapoh ka Rynjah Police Station.
