Shillong, Nailur 12 : U Myntri Rangbah ka Jylla Conrad K Sangma ha ka sngi Ba-ar, ula ai khublei ia u Myntri Rangbah Duh ka Ri Narendra Modi namar ka jingpynshlur ia ka kynhun da ka jingwan jngoh ia ka Stall Ryndia jong ka Jylla ha ka Craft Bazar jong ka G20 Summit.
U Conrad ula ong ba u Myntri Rangbah Duh ula pyni ia ka jingsngewtynnad ha ki jain ryndia kiba la pyni nam ha ka G20 International Craft Bazar ha New Delhi, kaba la pynlong shabar jong ka G20 Summit kaba dang shu kut ha New Delhi.
Haba thoh ha ka X, u Myntri Rangbah ula ong “Ka dei ka jingai mynsiem ia ka kynhun ban ioh ia ka jingwan jngoh jong u Myntri Rangbah Duh Narendra Modi ia ka Meghalaya Stall ha ka Craft Bazar ha ka G20 Summit. U PM ula pyni ia ka jingiap biej ia ki jain ryndia bala thain hi da ki kynthei nongthain thain ha ka jylla jong ngi, kaba dei ka dak ba pyni ia ka jingpynkupbor ia ki Kynthei. Khublei ia ka @deptoftextiles, C&RD Department bad @MeghAgeLtd halor ka jingitynnad ka jingpyninam ia ki tiar ba thain kti jong ki nongthain ka Meghalaya sha ka pyrthei”.
It was encouraging for the team to have Hon’ble PM, Sh. @narendramodi ji visit the Meghalaya stall in the Craft Bazar at the G20 Summit. Hon’ble PM showed keen interest in the ethically sourced ‘Ryndia’ products, woven by women weavers in our State which is a brand that… pic.twitter.com/gAJyiIv5f9
— Conrad K Sangma (@SangmaConrad) September 12, 2023
Ia kine ki mar thain kti jong ka Jylla la pyni nam lyngba ka Tnad Textiles bad Community & Rural Development Weaves, Ryndia bad ka Tribal Weaves.
Ki don ruh ki tiar shna kti jong ka Tnad Tourism bad ka Meghalayan Age.
