Imphal, Nailur 11 : Hapdeng ka thma iapher jaidbynriew ba dang thnem bha ha Manipur, arngut ki rang ialehkai na kane ka Jylla kila paw kum ki khun sarong ka Ri India bad da ka jingpyni jong ki ia ka sap bad jingiatylli, kila ioh ban iathep mar shikol ban pynjop ia ka India kum ka lahduh ha ka South Asian Football Federation (SAFF) Under-16 Champions Trophy.
Napdeng ki 23 ngut ki rang ialehkai ba mihkhmat ia ka kynhun ka India, 16 ngut ki dei na Jylla Manipur. Hapdeng jong ki, 11 ngut ki dei ki Meitei bad 4 ngut ki dei ki Kuki bad uwei u dei u Meitei Pangal (Manipuri Muslim).
U Bharat Lairenjam, uba dei na Nambol, Bishnupur district, ula pynshongshit ia ka jingialehkai da ka jingioh ban thep ia ka kol ba nyngkong ha ka minit ba 8. U Levis Zangminlun uba na Churachandpur ula pynthikna ia ka jingjop jong ka India da ka jingioh thep ia ka kol ba ar ha ka minit ba 74, ha ka jingiakhun phainai pyrshah ia ka Bangladesh ha Thimpu, Bhutan hynnin ka sngi U Blei.
Wat hapdeng ka jinglong jingman bad jingiakajia hala Iing, kine ki rang ialehkai kila klet ia ki jingeh bad ki jingsngewsih baroh bd kila pynleit jingmut tang kumno ban ioh ia ka nam jingjop kum ka lahduh bad pynbud da ka jingiarisa bad jingiabam ja lang.
Ki nongkhmih ka kynhun India kila ong ba dei ka jingiatylli jong kine ki rang ialehkai kum ka kynhun, kaba la synniang ia ka jingjop jong ka India ha kane ka lympung ialehkai.
U Abbas Shingjamayum, uba dei u Meitei Pangal ula ioh khur ia ka nam “Most Valuable Player” bad “Top Scorer” da 3 kol.
U Lairikyengbam Jyotirmoy Roy, General Secretary ka All Manipur Football Association (AMFA), ula ai khublei ia ka jingjop jong ka kynhun ka India bad kdew ba kumno ha ka rynsan ialehkai, ka jingsngewiapher jaidbynriew kam don jaka satia ia kaba la pyni pyrthei da ka kynhun ka India kaba iohrah ia ka namlahduh jong ka SAFF U-16.
Pule lang ia kane: Yn rakhe ka APSTA ia ka lyngkhuh sngi iap ba 174 snem u Thomas Jones
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
