Agartala, Nailur 08 : Ka Election Commission ha ka sngi Thohdieng kala pynbna ba ki arngut ki Kyrtong ka BJP kila jop ia ka elekshon shiteng samoi ha Dhanpur bad Boxanagar Assembly Constitunecy jong ka Jylla Tripura, da kaba pynliem kput ia ki kyrtong ka CPI(M).
Ka BJP kala ioh ia ka Boxanagar Assembly seat na ka CPI(M) bad dang pynneh hala kti ia ka Dhanpur seat.
Kat kum ka result, u kyrtong ka BJP Taffajal Hossain ula ioh 34,146 vote ban jop ia ka Boxanagar seat da 30,237 vote pyrshah ia u kyrtong ka CPI(M) Mizan Hossain, uba ioh tang 3909 vote.
Ha kawei pat ka liang, u kyrtong ka BJP Bindu Debnath ula jop ia ka Dhanpur seat da 30,017 vote bad pynloeng ia u kyrtong ka CPI(M) Kauship Chandra da 18,871 vote.
Ka jingniew vote jong kane ka elekshon shiteng samoi kala sdang hynne ka step sngi Thohdieng hapdeng ka jingpahara kaba jur bha.
Kane elekshon shiteng samoi kala long ha ka sngi Ba-ar bala lah ban ka jingpoi jong ki briew ban thep vote kala kot ia ka 86.56 %.
