Imphal, Nailur 8: Ka jingiather kuli ba shyrkhei kala mih biang hapdeng ki bor pahara bad ki kynhun kiengatiar ha ka thain Pallel jong ka Tengnoupal District naduh hynne ka step sngi Thohdieng.
Kat kum ka jingiathuh ki bor Sorkar, kane ka jingia ther kuli kala sdang naduh ka por 6 baje mynstep bad ka dang iaid haduh mynta.
Ia kaba mynta, ym pat shym la don satia ki khubor ba mynsaw ne iap briew ha kane ka jingiather kuli, ong ki heh Sorkar.
Kane ka jingther kuli kala jia hadien arsngi ba ki hajar ngut ki paidbah kila ialum ha Phaugakchao Ikhai, Bishnapur District, kiba la pyrshang ban thom ia ki jingker jong ki shipai da ka jingtmu ban leit shala ki jong ki Iing ba kila shu ieh, kiba don ha Torbung.
