Guwahati, Nailur 08 : Ki Pulit ka Assam kila kem ia 50 ngut ki briew ha ka sngi Palei hadien ba kine ki briew kila thombor ia ka knhun ki Pulit da kaba shu dait ia ki ban pynmynsaw ia bun ngut ki Pulit ha shnong Ahmedpur.
Kane ka jingjia kala jia ha ka shnong Bongalmara No 2 Ahmedpur.
“Haba ki Pulit kila leit sha katei ka shnong ban thwet ia uwei u paralok jong u nongkhaii droks ba kila kem, kine ki nongshongshnong kila thombor ia ki Pulit kiba don ha ka kam. Kiba bun kila dait ia ki Pulit haduh da mynsaw” ong ki Heh Pulit.
Ki iathuh ba kine ki briew kila pynphet ia une u briew ba thwet ki Pulit na katei ka jaka.
Mynta, u SP ka Lakhimpur ha ryngkat ki Pulit ka District, kila pynlong ia ka jingthwet jur ia ki briew ha kane ka thain.
“Ha kane ka jingthwet, ngi la rah haduh 50 ngut ki briew bad ia kine la set ha ki Police Station bad ki Outpost bapher bapher” ong ki Heh Pulit.
Kila pyntp “Ngi la sdang iaka jingtohkit halor kane ka jingjia bad sdang ban tohkit ruh ia kine ki briew ba shah kem. Kum kine ki jingjia ki ju jia ha ki shnong nongkyndong hynrei kane ka kynti ba mynta, kila thombor ia ki Pulit kiba don ha ka kam. Ka jingthwet ia une u briew ba suba nongkhaii droks kala iaid shakhmat”.
