Shillong, Nailur 6 : Ka Directorate of Dairy Development kala aiti ia ki kali Kit dud bad kali ban test ia ka dud lyngba ka NPDD, sha ki 18 tylli ki Dairy Co-operative Society ha ka jingialang bala pynlong ha Central Dairy Campus, Mawiong.
Ia kine ki kali la pyllait bad khaweh lama da u Myntri ka Tnad Animal Husbandry & Veterinary Bah A.L.Hek.
Haba kren ha ka jingialang, u Myntri ula pynpaw ba ka jingpynmih dud hapoh ka Jylla ka dang dei kaba dang shu sdang, kumta ula pynshlur ia ki briew ban trei ia kane ka kam pynmih dud khnang ban nang lah pynkhlain ia ka jingpynmih dud bad ban lah pyndap pynbiang iala ki jong ki jingdonkam.
U Myntri ula khot ruh ia ki riew shimet ba kin iatreilang bad ka Sorkar ha kaban lah pynmih kham bun ka dud bad ruh ban lah aikam aijam ia ki samla.
Ha kane ka sngi, u Myntri ula aiti ruh ia ki shabi jong kine ki kali sha kine ki Co-operative Society.
Kiwei kiba la iadonlang ha kane ka sngi ki kynthup ia u Dr Manjunatha C, Secretary, A.H & Veterinary Department, L S Shangpliang, Director, Dairy Development.
