Imphal, Nailar 31: Haduh 3 ngut ki briew kila iap bad palat shi dorjon ngut kila mynsaw ha ka jingiather kuli ha kine ki arsngi bala leit noh ha ka thain Naransena Canal jong ki shnong khappud ka Bishnapur bad Churachandpur District ka Manipur.
Ka khubor ka iathuh ba ka jingiather kuli markylliang kala bteng ha kine kine ki arsngi bala leit noh ha kine ki jaka khappud ka Bishnapur bad Churachandpur.
Lai ngut ki briew kila iap ha kine ki arsngi bad palat shi dorjon kila mynsaw, kiba kynthup ia ki jaidbynriew na baroh arliang mamla ba ialeh thma.
Hadien kane ka jingiather kuli, ki bor pahara kia hiar ban leit pahara bad khynra ha ka thain Naransena.
Ki bir pahara kila ioh ba kurup haduh 5 tylli ki tiar siat, 31 tylli ki kuli bapher bapher, 19 tylli ki bomb bad 3 song ki tiar pynbthei na Kongpokpi bad Imphal West District ha ka sngi Balang.
Kane ka jingiather kuli biang kala mih ha ka por ba ka Central Bureau of Investigation (CBI) kala shimti ban thkit halor ki 27 tylli ki ejahar, kiba la register da ki Pulit haba iadei bad ka thma iapher jaidbynriew ha Manipur ha kaba palat 160 ngut ki briew kila iap.
Pule ruh: Pynjari ka DC ia ka kyndon 144 CrPC ha EKH, pynjur pahara ki Pulit hajan Secretariat Hill
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
