Nongpoh, Nailar 30: Ka Hynniewtrep Youth Council (HYC), Ri Bhoi District hynne ka sngi Balang, kala kyntu ia ki nongkhaii dewbilat ba kin sangeh ban die ia ka dewbilat Topcem ha Ri-Bhoi bad kumjuh ruh ia ki paidbah ba kin ym pyndonkam ia kane ka dewbilat katba ki nongtrei kane ka kompani kim pat shah kem halor ka jingshah thombor ki paidbah ha Thangskai.
Ka HYC Ri-Bhoi hapoh ka jingialam u President Bah Hercules Suting, kila leit ban buh da ki jingthoh sha man ki dukan die dewbilat hapoh ka District ba kyntu ba kin ym die ia ki dewbilat Topcem katba kam pat don ka jingiapynbeit ia kaei kaba la jia ha Thangskai, East Jaintia Hills.
Kine ki nongialam, ki la pynpaw ia ka jingsngewkhia kaba jur halor katei ka jingjia ha Thangksai bad ki la pynrem jur ruh ia ka jingthombor ia ki briew ba luilui khamtam ia ki longkmie.
Une u Nongialam ka HYC ula ong ba ka seng kam hun tang ba katei ka kompani cement kala pynkynriah kam ia kito ki bar jylla kiba la donkti ban kynshoit ne ai ding ban shoh ban bom ia ki riew paidbah.
Ki la pynpaw ruh, ba ka HYC ka dawa tyngeh na ki bor ka sorkar jylla ba ka dei ban kem ia kito ki briew kiba la donkti ban kynshoit ban tied ban bom ia ki riew paidbah bad ban pynshitom katkum ka ain.
, Ri Bhoi District hynne ka sngi Balang, kala kyntu ia ki nongkhaii dewbilat ba kin sangeh ban die ia ka dewbilat Topcem ha Ri-Bhoi bad kumjuh ruh ia ki paidbah ba kin ym pyndonkam ia kane ka dewbilat katba ki nongtrei kane ka kompani kim pat shah kem halor ka jingshah thombor ki paidbah ha Thangskai.){kind=link}