Shillong, Nailar 30: U president ka Meghalaya Trinamool Congress u bah Charles Pyngrope ula kyntu iaka sorkar jylla ban khmih bha biang haba iadei bad ka National Education Policy (NEP) 2020 daka ba kynnoh ba kane ka Policy kan pynjot iaka pule puthi jong ki samla hadien ha bud.
Haba kylli, kaei ka nongrim jong ka Party haba iadei bad jingpyntreikam iaka NEP hapoh Meghalaya u bah Charles ula ong “Mynnin nga dang dep iakren bad principal barim ka St. Edmund’s College bad ula pynpaw daka ba ong baka sorkar jylla lyngba ka State Education Commission kadei ban khmih biang shwa ia kane ka Policy”.
U bah Charles ula kyntu iaka sorkar ban sangeh shwa ka jingpyntreikam iaka NEP bad kadei ban iasyllok shwa bad ki stad haka pule puthi namar kumba u iohi kane ka Policy ka don jingktah iaki samla pule bad iaka pule puthi hapoh jylla.
“Kane ka Policy ka don jingma iaki samla pule bad namar kata nga kyntu iaka sorkar jylla ban pynsangeh shwa iaka jingpyntreikam bad kadei ruh ban iathir bha shwa bad ki stad pule kynthup ka State Education Policy Commission naka bynta khmih bniah iaka jingduhnong bad ka jingmyntoi lada pyntreikam ia kane ka Policy” ula ong.
