Shillong, Nailar 29: U nongwad RTI ka West Jaintia Hills bah R.K Rymbai hynne ka sngi Ba-ar, ula buh por lai sngi ia u Executive Engineer (EE) ka tnat PWD Roads Shangpung Division bah D Tariang ban jubab iaki jingkylli jong RTI lym kumta un ujor shaka opghis State Information Officer pyrshah ia u EE.
Haba kren sha ki lad pathai khubor u bah R.K Rymbai ula iathuh ba haka 15 tarik Rymphang 2023 ula pan daka RTI na u EE ka tnat PWD Roads Shangpung Division u bah D. Tariang ha ryngkat ki jingkylli ba kynthup ki kyrteng jong Contractor, ka kam bala mang, ka pisa bala pyllait sha Contractor naka bynta u bnai Jylliew, Nailur bad Nohprah 2018, u bnai Jylliew bad Nailur 2019 bad naduh u bnai Nohprah haduh Jylliew 2022 hynrei naka liang u EE ula kyntait ban jubab ia kine ki jingkylli namar ki kyndon jong ka Sec 8 (i) of the RTI Act 2005.
“Hadien ka jingwad bniah halor ka jinglong jingman ki surok hapoh ka thain Shangpung Division, ngi sngew ba ka long kaba donkam ban wad bniah, haduh katno ka tnat PWD ne ka sorkar ka pynlut ban aiti iaki kam maramot surok man u bnai namar kum ba iohi mynta ki surok ki long kiba la jot bha” la kynnoh u bah Rymbai.
U bah Rymbai ula ong ba kane ka jingpan RTI na u EE ka PWD (Road) Shangpung Division kadei namar ula don jingthmu ban ujor shaka Meghalaya State Lokayukta namar kumba la paw ka don kaei kaei sha lyndet namar ki surok hapoh kane ka thain ki long kiba la jot bha.
“Namar kane lada u EE PWD (Road) Shangpung Division u bah D. Tariang um lah ban jubab iaka RTI hapoh lai sngi ngan ujor ia u shaka ophis State Information Officer namar une u EE ula pynkhein iaka ain RTI Act 2005” ula ong.
Pule lang ia kane: Kot 30 bnai ba khlem ioh tulop ki nongtrei ka GHADC, byrngem ban sangeh treikam noh
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
