Shillong, Nailar 24: Ka long ka nam bad burom iaka jylla Meghalaya hadien ba 18 ngut ki nongjngi naka Meghalaya Swimming Association (MSA) kila shah jied ban mih khmat iaka jylla haka 3rd Himalaya Swimming Meet ka ban long hapoh ka jylla Sikkim naduh ka 26 tarik mynta u bnai.
Napdeng kine 18 ngut ki nongjngi, 8 ngut ki dei ki kynthei bad 10 ngut ki dei ki shynrang ki ban iakhun haka Sub Junior, Junior bad Senior categories.
Lah ban ong ba kane kadei ka sien kaba nyngkong eh ba ki nongjngi napoh ka Meghalaya kin leit shim bynta ha kane ka rynsan iakop jngi bad kane kan nang ai mynsiem shuh shuh iaki samla kiba don ka sap ban jngi.
Naka liang u president ka MSA u bah Joe Marweiñ, u Secretary bah Ian A. Lyngdoh kila ia kynduh ia kine ki rang bad thei ki ban mih khmat iaka jylla haka rynsan iakop jngi.
Ka 3rd Himalaya Swimming Meet kan khring iaki nong jngi na kylleng ka thain shathei lammihngi bad ka jylla Sikkim kan don ruh ki nong shim bynta na Darjeeling, Kalimpong, Siliguri bad na kiwei ki jylla marjan.
Pule lang ia kane: Hap siat tear gas bad khyrwit lathi ki Pulit ha EJH ha ka public hearing ban pynheh ia ka M/s Meghalaya Cement
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
