Shillong, Nailar 24 : Ka Shnong Lapangap, West Jaintia Hills, kala khynwin hynne ka sngi Palei na ka jingiakynad hapdeng ki jaidbynriew Karbi bad ki Khasi-Pnar kaba jan lam sha ka thma iapher jaidbynriew lymda dei ba kloi ban tem noh da ki Pulit na baroh arliang mamla-ki Pulit Assam bad Meghalaya.
Kane ka jingiakynad kala mih hadien ba ka kynhun ki paid Karbi kila wan rung sha shnong Lapangap da ka jingthmu ban pynjulor ia ki jingthung jingtep jong ki paid Khasi-Pnar.
Da ki spah ngut ki nongshongshnong ka Lapangap ha ryngkat ka Khasi Student Union (KSU) kila iamih ban tynjuh bor ia kine ki kynhun na Karbi Anglong bad khang lad ia kine ki bar Jylla ban wan pynjulor ia ki marrep jong ki nongrep ka thain.
Kane ka jingia pyni bor kala lam sha ka jingiatai nia kaba jur bha hapdeng kine ki arliang mamla bad kala jan poi ruh sha u pud ka jingiashoh isdat hynrei da ka jingpoi kloi jong ki Pulit na Assam bad Meghalaya, la lah ban tem noh ia kane ka huri hura.
Lah ban kdew ba ka jinglong jingman ha ka thain khamtam ha ka Shnong Khanduli bad ki shnong ba marjan kiba don ha khappud ka Assam, kila shongsyier bha da ki bnai mynta namar ka jingiapyni bor hapdeng ki paid Khasi-Pnar bad ki Karbi kiba don ha ka thain.
Namar ka jingbym don ka jingpynbeit thikna ia u pud u sam hapdeng ki ar Jylla, kine ki ar jaidbynriew kiba iashong iasah ha ka thain, ki ju iapyni bor mar kylliang ban iakam trai ia ka jaka puta.
Pule lang ia kane: Mynjur ki Trai Shnong ban pynheh ka Topcem ia ka karkhana hapdeng ka jingpyrshah
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
