Shillong, Nailar 23 : Ka Sorkar Meghalaya kala pynkhreh ban shim ia ki rai kiba kongsan halor ka jingseng ia lai tylli ki Medical College hapoh ka Jylla.
U Myntri Rangbah ka Jylla Conrad K Sangma ha ka sngi Balang, ula pyntip ba ia kine ki rai ba kongsan, yn sa pynbna ha ka sien shong jingialang jong ka Kynhun Myntri ka ban long la sngi Thohdieng.
“Ngi la pynkhreh shaid shaid ia kane mynta la bun bun bnai. Ha ka jingshisha, kala sdang naduh ka samoi bala dep hynrei lashisngi, ngin sa pynbna ia ka rai ba kongsan bha. Ka Myntri ka koit ka khiah kan sa pynbna ia kane ka rai hadien ba ngi la mynjur hapoh ka Kynhun Myntri” ula ong.
U Conrad ula ong ba ka Sorkar Jylla kan sa pynbna ia ka jingthmu ban seng haduh 3 tylli ki Medical College.
“Ngin sa buh da ka por ba kumno kan iaid ka kam bad ha kajuh ka por ia ka pisa ba dei ban pynlut bad ka rukom treikam ka ban sa long. Da ka jingpyndep ia kine ki 3 tylli ki Medical College, nga thikna ban gin sa lah ban pynmih kham bun ki doktor ban ia kaba ngi lah mynta bad ka ban pahuh ha Jylla” ula ong.
Pule ruh: Maham ka FKJGP ia ki bar Jylla ba pynbor ia ki RS ban ai jingbit ia ki nongsam shithi ka Post Office
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
