Nongstoin, Nailar 23: Ka Federation of Khasi Jaintia & Garo People Rambrai Circle, kala maham ban leh da kaba tyngeh ia ki bar jylla kiba pynbor ia ki Rangbah Shnong ka thain Rambrai ba kin ai jingbit ia ki bar jylla ba kin trei ia ki kam nong sam shithi jong ka Post Office ha Rambrai.
U Presdient ka FKJGP-Rambrai Bah Jiedstarlan Lyngkhoi ula iathuh ba ka seng kala ioh jingtip ia ka jingwan ki bar jylla ban iakynduh ia ki Rangbah Shnong ka thain Rambrai ha kaban pan jingbit ia ki bar jylla kiba la ioh rungkam ha ka Post Office ba kin long ki nongsam shithi hapoh ka thain.
Ula ong ba ka Seng ka pyrshah jur ia kane bad ka dawa ruh ia ka Tnad Post Office ba ka dei ban thungkam da ki trai jylla bad ki samla ka thain ban long ki nongsam shithi ym ban wanrah da ki briew ba nabar ka Jylla.
Ha kajuh ka por, une u Nongialam ka FKJGP ula ai ka jingiaroh ia ki katto katne ki Sordar kiba la kyntait ban ai jingbit haba kyntu ia kiwei kiwei ruh ba kin bud nuksa namar ka jingkyntait jong ki, kan plie lad ia ki samla trai jylla ba kin ioh ia kane ka kam.
Halor kane, u pyntip ba ka seng kala leit iakynduh ia ka Khliehduh ka Post Office ha Nongstoin ban ujor bad pyntip ba kane ka Ophisar kala kren da kaba shai ba lada ki Rangbah Shnong kim ai jingbit, ki bar jylla kin ym lah satia ban rung ha kine ki kam. U pyntip ba kala ai jingmut ruh ban leit iakren ia kane ka kam bad ki bor ba halor ha Shillong.
“Shen kum ka seng ngin sa leit ban iakren bad ki bor ha Shillong bad lada kim sngap, ka seng ka maham ba lada jia eiei ia kito ki bar jylla kiba wan knieh ia ka pliang ja jong ki trai Jylla, ka Post Office kan hap shim ia ka jingkitkhlieh” ula ong.
Pule ruh:Â Sam ka Sorkar ia ki M-Tab sha 1467 ngut ki samla pule ka WKH
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
