Nongpoh, Nailar 18: Lai ngut ki rang iakura ka Jylla kila ioh ia ka nam jop ha ka sngi plie ia ka BFI East Zone Elite Men’s Boxing Championship 2023 kaba nyngkong ha Ribhoi.
Ia kane ka lympung la pynlong ha Madan Kurkalang Bhoirymbong daka Ribhoi Boxing Association haka jingïatrei lang bad ka Meghalaya Boxing Association ha kaba ki rang iakura na ki 4 tylli ki Jylla kila wan ban iashimbynta.
Kine ki rang iakura ki dei kiba mihkhmat ia ka jylla Meghalaya, jylla Assam, Jylla West Bengal bad naka Jylla Sikkim.
Ha kane ka lympung napdeng ki 4 ngut ki rang ïakura ka jylla meghalaya 3 ngut ki la lah ban khur ïaka jingjop kiba kynthup ïa u Sanjeev Maskul na Meghalaya u la lah ban pynliem ïa u rang ïakura ka Sikkim, u Rang ïakura ka jylla meghalaya u Samla Khrawbok Marweiñ u la lah ban pynliem ïa u rangïakura ka jylla West Bengal, U Balnas Sangma u la lah ban pynliem ïa u rangïakura ka jylla Assam bad u Daniel Jyrwa u la shah pynliem noh na u rangïakura ka jylla West Bengal.
Ïa kane ka lympung lawan ban plie da u Raja Brahma ADC Ribhoi District haka jingïadon lang u Khrobok Passah, Asst. Director Of Sports, John F Kharshiieng Working President MSOA, Jaslal Pradhan Vice President Boxing Federation of India, S Pasleiñ DSP Ribhoi, Bah Cornelius Kharhunai President Meghalaya Boxing Association bad ka Ribhoi Boxing Association, Larry Kharpran Joint Secretary Boxing association of India ki dkhot jong ka Meghalaya bad Ribhoi Boxing association lem bad kiwei kiwei.
Pule ruh: Maham ka JSU ia ka KSA ban ym wanrah ia ka jingiakynad hapdeng ki paidbah ha Block-I
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
