Shillong, Nailar 15 : U Myntri Rangbah ka Jylla Conrad K Sangma ha ka sngi Ba-ar, ula iathuh ia kawei na ki jingphohsniew jong u ban pynthikna ba ki jingshakri jong ka Sorkar kin poi sha manla ki thliew iing jong ki Nongshongshnong kam pher ia ka por ne ka jaka bad ban pynurlong ia kane ka jingphohsniew, ka Sorkar kan sa pyntreikam ia ka program ba thymmai kaba la khot kyrteng ka ‘CM-CONNECT’.
Haba ban jur ia ka synshar khadat ba janai, u Conrad ula ong ba hapoh kane ka CM-CONNECT, ka Sorkar kan sa sa buh ia ki nongtrei ki ban tip kum ki Village Community and Data Facilitator ha manla ki shnong jong ka Jylla.
“Kawei na ka jingphohsniew jong nga ka long ban pynthikna ba ki jingshakri kaSorkar kin poi ha manla ki thliew iing jong ki Nongshongshnong ha ka por kaba dei wat sha ki jaka ba kyndong eh. Ban kynjoh ia kane, ngin sab uh ia ki Village Community bad Data Facilitator ha manla ki shnong ka Jylla. Kine ki briew kin dei na kine ki shnongki thaw bad kin treikam kum ki briew ka Sorkar ki ba lah iakren bad leh eiei halor ki jingeh bad jingshakri ia ki nongshongshnong. Baroh kine ki kam shakri ia u paidbah kin treikam hapoh kane ka prokram ba thymmai ba khot ka CM-CONNECT” ula pyntip.
U Conrad ula ong ruh ba ka Sorkar kala pyntreikam ia kiba bun ki prokram ban pynjanai ia ka synshar khadar lyngba ki kor technology bad ka jingsam ia ki bor treikam. Ula kdew ba kawei na ki atiar ba khlain eh ban pynjanai ia ka jingshakri ka long ka jingdon ia ka jingpynrung kyrteng ia ki nongshongshnong ka Jylla. Kane ka jingpynrung kyrteng kan pynlah ia ki tnad Sorkar ban ithuh ia ki briew kiba dei ban ioh jingmyntoi bad ban air uh ia ki jingiarap khlem kano kano ka jingdkhoh.
“Ban kynjoh ia kane, ngin sa pyllait ia ka Family ID Programme, ha kaba baroh ki Nongshongshnong bad ki Longiing Longsem ka Jylla kin pynrung kyrteng ialade. Ki jingkyrshan bala tyrwa lyngba ka FOCUS, YESS Meghalaya kin poi sha ki nongioh bynta lyngba ka Family ID” ula ong.
Pule ruh: Khlei u Conrad ia 10 tylli ki jingkular, pruid dak ia ki thong ba 5 snem ban tei ia ka Meghalaya
