Guwahati, Nailar 12 : U Nongialam bala rangbah bha jong ka Assam Gana Parishad (AGP) bad MLA ka Amguri Prodip Hazarika, ula iehnoh kam na ka Party hadien ka jingpynmih paidbah ia ka draft jong ka delimitation (jingtyrwa phiah constituency) ha Assam.
U Hazarika ula iehnohkam na ka party haba pynpaw ia ka jingbym sngewhun ia kane ka drat namar kala pynduh noh ia ka Amguri constituency, kaba ula mihkhmat la bun snem.
Une u MLA ula mihkhmat ia ka 103-Amguri Assembly constituency ha Sivdagar District da ki snem, ula aiti ia ka shithi iehnohkam sha u President ka AGP Atul Bora, shuwa shuwa ka jingpynmih ia ka draft.
U Hazarika ha ka shithi ula ong ba ka Amguri kam dei tang ka constituency ia u hynrei ka dei ka jaka kaba pynwandur ia ka jingim jong u ha ka kam sain pyrthei.
Ula pynpaw ia ka jingbym sngew tynnad ba ka AGP kam shym la lah ban iada ia kane ka constituency na ka jingshah pynduh pyndam.
Also read: Shah khot sngewbha 6 ngut ki nong Meghalaya ban sakhi ia ka jingrakhe I-Day ha Red Fort
 bad MLA ka Amguri Prodip Hazarika, ula iehnoh kam na ka Party hadien ka jingpynmih paidbah ia ka draft jong ka delimitation (jingtyrwa phiah constituency) ha Assam.){kind=link}