Agartala, Nailar 12: Kum ka sienjam ban pynkhlain ia ki lad pahara sha ka jingrakhe Independence Day, ka jingpeitngor bha kala lam sha ka jingiohkem ia phra ngut ki mynder ri da ka Railway Protection Force (RPF) ha Agartala Railway Station ha Agartala.
Kine ki mynder ri ki kynthup ia san ngut ki nong Bangladesh bad lai ngut ki Rohingya na Myanmar, pyntip u Inspector Sanjit Sen, uba dei u Officer in-charge ka Government Railway Police (GRP) Station. Ia kine ki briew la ioh bat ha ka por ba ki dang thmu ban kiew ha ka Hamsafar Express ka ba thmu ban leit sha Kolkata bad Bengaluru.
Ka RPF haba ishankhmat ia kine ki briew, kala pynlong ia ka jingtohkit marjan ka khyrdop ba rung sha ka Statioh ha kaba kine ki briew kila phla ba kila wan rung beain shapoh u pud u sam ka India na Bangladesh. Halor kane, ka RPF kala kem noh ia kine ki briew.
Kine ki briew ki kyrteng u Abdul Jalil, Billal Hussain, Abdul Quader, Md Kasar, Md Russel, Md Hussain, Rafika Begam, bad Jahida Begam. Na kine ki briew la ioh kurup ia 5 tylli ki mobile phone, ka pisa India bad Bangladesh lem bad ka ticket rel.
Hadien kane ka jingtohkit, ia kine ki briew la aiti noh ha ka Government Railway Police (GRP) ban leh ia kaba donkam. Ia kine ki briew la pynngat hapoh ki kyndon jong ka Passport Act.
Pule ruh: Assam: Iehnohkam u MLA ka AGP hadien ka draft delimitation
 ha Agartala Railway Station ha Agartala.){kind=link}