Shillong, Nailar, 01: Ka Federation of Khasi, Jaintia and Garo Peoples (FKJGP) South West Khasi Hills District, hynne ka sngi Baar kala dawa naka sorkar jylla ban buh ia ki Poultry & Piggery Farming Unit ha Mawkyrwat, South West Khasi Hills ban kyntiew iaka kam ri Syiar bad ri Sniang ha ka District.
Ka FKJGP-SWKHD kala buh ia kane ka jingdawa hakhmat u Myntri ba khmih iaka tnad Animal Husbandary & Veterinary Bah AL Hek ha kaba la aiti daka dorkhas halor katei ka mat jingdawa.
U Bah K Nonglait, President ka FKJGP-SWKHD ula ong, ba ka seng kala aid a ka dorkhas ha u Myntri Sorkar ban buh ia ka Poultry & Piggery Farming Unit bad na ka liang u Bah Hek ula pynpaw ba yn sa khmih bniah ia kane ka jingdawa, kumta ka seng ka ieh ha ka jingstad jong u Myntri Sorkar ba yn leh ia kaba donkam halor katei ka jingdawa.
“Ka seng ka don iaka jingkyrmen ba kane ka jingdawa kan long kaba jop, khamtam haba u Myntri Sorkar ula ong ba yn shim ia ka jingkitkhlieh ia kane ka kam” ong u Bah Nonglait.
“Ka jingdawa ka jong ngi ban buh ia kitei ka Farming Unit kadei hadien ba ngi la sakhi ba kala don ka jingkiew dor jong ka doh ha ka District jong ngi bad ki nongot doh kila pynpaw baka jingkiewdor man la ka sngi jongka doh, kadei ba ki hap ban thied ia ka doh na kiwei pat ki District, kumta da ka jingdon jong ka Farming Unit kan lah ban weng ia katei ka jingeh bad pynhiar ruh ia ka dor jong ka doh khamtam haba ki paidbah ki sngewtynnad bha ban bam ia ka dohsyair, dohsniang bad kiwei kiwei”.
Ula iathuh ba u Bah Hek ula pyntip iaka seng ba ka tnad Animal Husbandary & Veterinary kan sam ia ki skhim ia ki riewshimet bad ka seng ka kyrpad ia ki paidbah ban shim ia katei ka lad ban ioh ia katei ka skhim ha kaba iadei bad ka kam ri jingri.
Pule lang ia kane: Shongsyier ki paid Khasi-Pnar ha Block-I ba mih kynhun kaikhlaw thymmai ki paid Karbi
Peit lang ia kane
