Shillong, Naitung 24: Ka Myntri ka Koit ka Khiah Kong Ampareen Lyngdoh ha ka sngi Nyngkong kala pynpaw ba kala ioh jingtip halor ki jingkynnoh ba shah leh bym suidniew u samla ba mynsaw aksiden kali ha North Eastern Indira Gandhi Institute of Health & Medical Sciences (NEIGRIHMS) haba pyntip ba kan sa pan ruh ia ka kaiphod na u Director ka Hospital mynta hi ka sngi.
Une u Samla u dei uba mynsaw na ka jingiatakhuh kali hapdeng ka Scooty ba u shong bad kawei ka Mahindra Thar ha ka sngi U Blei ha Umiam. Ia une u samla la pynkit sha NEIGRIHMS hynrei namar ka jingkynoh ba u khlem ioh ia ki jingsumar wat hadien 5 kynta, kala pynlong ia u ban khlad noh.
Ka Myntri kala pynpaw ia ka jingsngewkhia halor kane ka jingjia ha NEIGRIHMS bad ban jur ia ka jingdonkam ban don ka jingtohkit kaba bniah ha kaban pynthikna ba kum kine ki jingjia kin ym jia shuh lashai lashisngi. Kala bynrap ba ka Sorkar kan sa leh eiei ruh ka ban long kat kumka jingshem jong ka kaiphod khnang ban pynthikna ia ka jingbishar kaba hok ia une u samla ba khlad.
I am aware of an allegation of improper treatment of an accident victim at North Eastern Indira Gandhi Regional Institute of Health & Medical Sciences (NEIGRIHMS).
In this regard, I will ask for a formal report from the institute’s director today.
— Dr. Ampareen Lyngdoh (@ampareenlyngdoh) July 24, 2023
Kane ka jingjia ia une u Samla, kala pynbitar lep ia ki bahaiing hasem kiba la dawa ia ka jubab bad ka jingkitkhlieh na ki bor pyniaid ka Hospital. Ki bahaiing kila daw aba dei ban tohkit halor kane ka jingjia baroh kaba lam sha ka jingiap noh u baieid bathoin jong ki.
Ki bahaiing kila kynnoh ba dei ka jingbym don doktor da ki bun kynta kaba lam sha kane ka jingiap une u samla.
Pule ruh: Shah kloh ka Mobile Phone u DIG ka Assam katba dang iaid kai step
 haba pyntip ba kan sa pan ruh ia ka kaiphod na u Director ka Hospital mynta hi ka sngi.){kind=link}