Shillong, Naitung 20 : U Myntri Rangbah ka Jylla Conrad K Sangma ha ka sngi Palei ula pyntip ba ka Sorkar Jylla kan sa shong bishar ia ka jingdawa jong ka Hynniewtrep National Liberation Council (HNLC) ban map noh ia baroh ki kam pyntriem ba ka kynhun kala leh.
Haba iakren bad ki nongthoh khubor, u Conrad ula ong “Kat kaba lah ban leh hapoh ki kyndon kiba don, khlem pep ngin sa shong bishar ia baroh ki lad ki lynti ban peit ba haduh katno ngi lah ban leh ia kata hynrei kumba nga ong, ki don ki jingpynsngew, ki don ki jingeh bad kin don beit ki jingtynjuh.
U Conrad ula ong “Kam dei satia tang ka Sorkar Jylla ( kaba lah ban shim rai ia kane). Phi hap ban sngewthuh ba ka dei ka jingiakren ha kaba ka Ministry of Home Affairs ruh ka iadon bynta lang ha ka…namar kata ngin hap shim ruh ia ka jingpyn sngew naka. Kumba nga ong, kaei kaba kongsan ka long ba ngi la shim ia kane ka lynti da ka jingmut jingpyrkhat kaba suba, ngi la iaid ha kane ka lynti ban wad ia ka lynti ban iapynbeit. Baroh ngi don ia kajuh ka jingmut ba ngi dei ban lap ia ka lynti ha kaban iapynbeit”.
“Hynrei ai ba ngan kren shai ba na ka liang ka Sorkar Meghalaya, ngi la kut jingmut ban jam sahkhmat halor kane, ngi la shim ia baroh ki sienjam bad kat kino kino ki jingeh kiba don, ngin pyrshang katba lah ban weng ia kine ki jingeh ha ryngkat bad ka HNLC lem bad ka Sorkar India, ka MHA” ong u Conrad.
Ka HNLC dang shen kala kyrpad ban weng noh ia baroh ki kam bymman bala pynngat pyrsha ia ki Nongialam bad ki Dkhot ka seng haba ban jur ba ka jingmap noh ia ki kam pyntriem baroh ka long kaba donkam ha kaban pyniaid shakhmat ia ka jingiakren iasuk.
Ka HNLC kala pynsngew ia kane ka jingdawa ha ka sien shong jingialang iakren iasuk ba nyngkong bad ka Sorkar Pdeng lem bad ka Sorkar Jylla kaba long ha ka 24 tarik u Jylliew.
Pule ruh: Bat ki Pulit haduh 775 tylli ki kali ba the silenser khyllah, dain kuna haduh T. 7.69 lak
 ban map noh ia baroh ki kam pyntriem ba ka kynhun kala leh.){kind=link}