Nongstoin, Naitung 20 : Ka Post Office la kynnoh ba kala thungkam haduh 120 ngut ki bar jylla kiba dei na shabar ka Jylla ba kin wan trei kum ki Gramin Dak Sevak (GDS) ne nongsam shithi ha ki 42 tylli ki Shnong ka thain West Khasi Hills District.
Ia kane ka kynnoh da ka seng Hynniewtrep Youth Council-West Khasi Hills District, kaba la kyntu ia ki Rangbah Shnong jong kineki 42 tylli ki Shnong ba kim dei ban ai No Objection Certificate ia kitei ki briew ba kin wan sahwai ne shongshnong ha ka dong ka thain.
Kat kum ka kyrwoh bala phah da u President Lumlang Kharsyiemlieh bad General Secretary samla Wanteibok Lyngdoh, la kynnoh ba ka jingiohkam kine ki bar jylla ka dei tang namar ba ka Post Office kala pyniakhun ia ka eksam thungkam tang da kaba shu applai online da kaba shim ruh tang ia ka merit list kaba mut kiba heh mark tam.
Kila kam ba kane ka jingleh ka post office kala ktah ia ki samla wad kam ka Jaidbynriew khamtam ia ka dong ka thain jong ka West Khasi Hills.
Ka HYC-WKH kala kyntu ia ki Nongialam Shnong bad ki Nongshongshnong ba kin nym ailad ia kine ki bar jylla ba kin wan shongshnong ne sahwai ha ki shnong jong ki.
Kine ki Nongialam ka HYC kila pyntip ba kila phah ia ki shithi sha kine ki 42 tylli ki Shnong ha ka 17 tarik Naitung ba kin ai ka jingiatreilang bad ka seng.
Pule ruh: Conrad : Ka Sorkar kan sa shong bishar ia ka jingdawa ka HNLC ban map noh ia ki kam pyntriem baroh
 ne nongsam shithi ha ki 42 tylli ki Shnong ka thain West Khasi Hills District.){kind=link}