Shillong, Naitung 20: Ki Pulit ka Shillong Traffic Police (STP) kila ioh bat haduh 755 tylli ki kali kynthup ki arshaka kiba pynkhein ia ki kyndon ain bad ioh dain kuna haduh T. 7,68,900 tang ha u bnai Naitung, 2023.
Ka kyrwoh na u Superintendent of Police (SP) East Khasi Hills Bah Sylvester Nongtyngner ka pyntip ba ki Pulit ka Shillong Traffic kila pynlong ka jingbat iaki kali bad ki arshaka kiba pyndait iaki silenser khyllah, kiba pynmih ia ki jingsawa kiba jam bad ktah iaka iaid ka ieng ki paidbah.
“Ha Shillong, ka Shillong Traffic Police (STP) kala bat iaki kali ba pyndait ia ki silenser khyllah bad la lap ba don haduh 755 tylli ki Case bad ioh dain kuna haduh T. 7,68,900 ” ula ong.
U SP ula pyntip ruh ba ki Pulit kila bat haduh 17 tylli ki kali kiba pyndait ia ki silenser khyllah bad la pynsajia ia ki kat kum ki kyndon ka Ain.
Haba iadei bad kane ka Shillong Traffic Police (STP) ka kyntu iaki paidbah bad ki trai kali ban kiar naka jingpyndait ia ki silenser khyllah namar kane ka long pyrshah iaka MV Act bad iaki ba leh pyrshah ruh yn pynshitom katkum ki kyndon ka ain.
Pule ruh: Aipor ka Sorkar satang shibnai thik ia ki Nongkhaii ba kin siew khuid ia ka VAT
 kila ioh bat haduh 755 tylli ki kali kynthup ki arshaka kiba pynkhein ia ki kyndon ain bad ioh dain kuna haduh T. 7,68,900 tang ha u bnai Naitung, 2023.){kind=link}