Nongstoin, Naitung 19 : Ka Iingkashari Special Judge (POCSO) ha ka sngi Ba-ar, kala hukum ban set phatok haduh 10 snem ia ki arngut ki runar kiba leh beijot ia kawei ka Khynnah 17 snem ha u snem 2021.
Kine ki arngut ki runar ki kyrteng u Shaiborlang Nongsiej bad u Judonlang Kharbani. Kine ki arngut kila shah pynngat ha ka jingpynsajia kat kum ka kyndon 4 (1) jong ka POCSO Act.
U Superintendent of Police ka West Khasi Hills ula pyntip ba ki Pulit ka Nongstoin Police Station, kila iohpdiang ia ka ejahar ha ka 20 tarik Iaiong 2021 na uwei u rangbah ba pyntip ba ka khun ba 17 snem kala shah leh beijot ha kitei ki arngut ki runar.
Ka jingtohkit ia kane ka case la pynkhamti ha ka Sub Inspector ka Women Police Kong L Siangshai jong ka Nongstoin Women Police Station kaba la chargesheet ia kine ki arngut hapoh ka kyndon 3 (a)/4 jong ka POCSO Act.
Ka Iingkashari Special Judge kala rai pynrem ia kine ki runar bad hukum set phatok haduh 10 snem lem bad ka kun aba mar T. 30,000 kat kum ka kyndon 4 (1) jong ka POCSO Act.
Pule lang ia kane: Assam: Buh dak jingkylli ka Assam ia ka por ba wan phiah constituency ka ECI
 jong ka POCSO Act.){kind=link}