Shillong, Naitung 18: U Nehtinsat Haokip, u samla 21 snem na New Zalenphai, uba la mynsaw ha ka jingshah ther kuli ha Kangvai, Churachandpur District myn ha ka 7 tarik Naitung, la wan kit noh ia u sha NEIGRIHMS, Shillong da ka jingiarap ka Central YMA ha Mizoram.
U Haokip u dei u Khun jong u Kanmang Haokop bad ia une u samla la shimkhia da ka Shillong YMA ba kan ai peit ia ka jingsumar haduh da u ioh pat ia ka jingkoit.
Kat kum ka khubor, ha ka 7 tarik Naitung, ki nongshongshnong ka Zalenphai kaba jngai kumba 1 km na Kangvai, kila leit ban iarap ia ki para riewlum ha Kangvai namar ka jinghiar thma ki Meitei. U Nehtinsat Haokip u dei uwei napdeng kiba shah ther kuli ha ki Meitei bad ki kuli kila shei ia u. Ia une u samla la kit mar mar sha Lamka Hospital. Ha ka jingtohkit la lap ba ki don lai tylli ki kuli ha ka met jong u kata ha ka kti ka diang, ka shadem bad ha u tor.
Ki Nongialam ka Indigenous Tribals Leader Forum (ITLF) kila phah shithi sah ka Central YMA ba kyrpad ban ai jingiarap lem bad kumta la pynkynriah noh ia u sha Aizawl Civil Hospital ha kaba ki doktor nangtei kila phah kynriah noh mar mar sha NEIGRIHMS ba un ioh ia ka jingsumar ba paka.
Ka Central YMA ka pyntip ba kala pynbiang ia ka ticket liengsuin ia u Nehtinsat Haokip bad ia u Kni Nehlen Haokip ba kin wan sha Shillong lem bad ka song pisa ba T. 30000 kum ka jingiarap.
Pule ruh:Â Hiar jurip u CM ia ka surok Mairang-Azra, Ngi la pyndep ia ka jingkular elekshon
