Tura, Naitung 10: Ki pulit ka Anti Narcotics Task Force ka West Garo Hills hynne ka step sngi U Blei kila ioh kem ia arngut ki samla nongkhaii drugs na Iew Tura.
Uwei na kine ki nongkhaii droks u de u Cherak R Marak ba na Gongadamal Tura bad uwei pat u dei u Tengsuang S. Sangma na Williamnagar.
Ia kine arngut lah kem na kawei ka Maruti alto ML08 G 6541 na ki thain jong ka Iew Tura.
Ka ANTF ka lah ioh ban kurup haduh 8.19gram u heroin bad T. 14,230 nalor ki artylli ki mobile phone bad kiwei kiwei ki tiar.
Ha ka jingtohkit, kine ki arngut kila phla ba ia une u drugs lah phah sha ki da u Bryan Nongmor khun jong I Kong Ostinoris Nongmor ba na Laitkor Rngi, East Khasi Hills.
Ki pulit ia WGH kila pyntip noh mar mar ia kane ka jingjia sha ki pulit ka East Khasi Hills kiba lah leit khynra bad ioh kem ia u Bryan Nongmor bad ioh kurup ia u drugs ba khia 4.43 gram, kawei ka mobile phone bad kiwei kiwei ki tiar.
Pule ruh ia kane: Kem ka ANTF ia u samla Khasi ba phah drugs sha Tura
