Shillong, Naitung 06 :U Myntri Rangbah ka Jylla Conrad K Sangma hynne ka sngi Palei ula pyntip ba ka jingwad bniah (study) kala iaid mynta ban wanrah ia ka lynti rel ha East Jaintia Hills District.
Haba iakren bad ki nongthoh khubor, u Conrad ula ong ba haba phai sha Khasi Hills bad ki bynta ka Ri-Bhoi District, baroh ki kam kila sangeh lut.
“Kala don ka jingiakren bad ka Sorkar India b aka posa bala mang ia kane ka project yn sa rah noh shawei bad yn pyndon kam noh sha kiwei ki project jong kiwei ki Zone lane ki thain jong ka Jylla kiba kloi ban pdiang ia ka lynti rel” ula ong.
U Conrad ula ong “Kala don ka jingwad bniah ha East Jaintia Hills ban pyniasoh lynti rel sha Khliehriat. Hynrei kane ruh ka shong ha ka jingiakren bad ki nongialam shnong bad ki trai nongshongshnong nalor ki kynhun bapher bapher….ngin sa iapeit ia kaei kaba mih”.
U Myntri Rangbah ula ong ba ka Sorkar India kan nym shu iai ap namar ka lah ruh ba kan pyndam noh ia kane ka project lynti rel haduh ka Shillong bad ia ka pisa yn sa pyndonkam noh sha kiwei ki zone kiba lah ban pyniasoh lynti rel.
Pule lang ia kane: Mudui ka KSU sha ka Tnad Forest ba sah be-ain ki briew ha Mahadev Khola
