Assam: Syllad ka jingpang Dengue bad ka Japanese Encephalitis ha bun tylli ki District

Guwahati, Naitung 6: Palat 300 ngut ki briew kila ioh ia ka jingpang dengue ha kylleng ki District ka Assam bad arngut kila iap n aka jingpang Japanese Encephalits (JE) na ka thain jong ka Dhemaji bad Lakhimpur District.

Kat kum ka kaiphod, u bnai Naitung haduh Nailur la niew kum ki bnai ba jur eh ka jingpang JE. Kat haduh mynta la iathuh ba ki don haduh 42 ngut ki briew kiba la ioh ia ka jingpang JE, ong ki heh ka Sorkar Assam.

Ha kawei ka liang, haduh 317 ngut ki briew kila ioh ia ka jingpang Dengue hapoh ka Jylla tad haduh ka miet sngi nyngkong.

Ka karbi Anglong ka dei kaba don bun eh ki nongpang, bud da ka Kamrup (Metro) District kaba don haduh 22 ngut, ka Kamrup 20 ngut bad mar 11 ngut ha Jorhat bad Barpeta District. Ki don ruh haduh 10 ngut ki briew kiba la ioh ia kane ka jingpang ha Dima Hasao.

Palat mar shiteng na kiba pang Dengue (170) ki dei kiba na Karbi Anglong District ha kaba ka tnad ka koit ka khiah kala pynbna kum ka jinglynshop ka jingpang ha u snem bala lah.

Pule lang ia kane: Mudui ka KSU sha ka Tnad Forest ba sah be-ain ki briew ha Mahadev Khola