Shillong, Naitung 4: U Myntri kam ialehkai ka Jylla Bah Shakliar Warjri ula pyntip ba ka tnad ialehkai ha ryngkat bad ka Meghalaya State Olympics Association (MSOA) kila pynlong ia ka “Lead Programme” ha kaba khyndai ngut ki nongialeh kai na ka Jylla kila shah jied ban leit shah hikai pyntbit ban ioh iashimbynta ha ki lympung ialehkai ka pyrthei (Interntional Level) bad ka Olympics.
U Bah Shakliar ula pyntip ba napdeng ki 14,500 ngut ki nongialehkai na baroh 12 tylli ki District ka Jylla Meghalaya, la jied ia 200 ngut ban nang peit shuh shuh ia ka jinglah jong ki ha kaba nakine, khyndai ngut kila shahjied. Kine ki nongialehkai kin ioh ia ka jinghikai pyntbit ha kine ki lai snem ban wan.
Kat kum ka jingong jong u, kine ki nongialehkai kin ioh ia ki jinghikai pyntbit na ki nongialehkai Olympic ba paw nam kynthup katto katne ki nongialehkai bat bit bad kiba ialeh weightlifting.
Ula pynpaw ruh ia ka jingkyrmen ba hadien ba ki pyndep ia ka jinghikai pyntbit b alai snem, kine ki nongialehkai kin sa lah ban iakhun ha ki International Level bad wat ha ka Olympics.
Na kine ki khyndai ngut ki nongialehkai kiba dei na ki District bapher bapher ka Jylla, hynriew ngut ki dei jong ka athletics category, arngut ha ka weightlifting bad iwei ha ka karate.
U Bah Shakliar u pyntip ba haduh lai snem kine ki khyndai ngut kin ioh ia ki jinghikai ha Shillong ruh. U ong ba ka Sorkar ka kyrmen ruhba ha kine ki lai snem, kan sa phah kine ki nongialehkai shabar ka Jylla bad sha kiwei ki ri ka pyrthei.
Haba kren halor ki coach, ula ong b aka Tnad ialehkai kala don ia u Ian Campbell na Australia bad ka kynhun jong u, ki ban ai ia ki jinghikai ia kine ki nongialehkai ka Jylla.
Pule ruh: Iaid rally jingsuk ki riewngeit Catholic ha Nongstoin namar ki kam iaumsnam ha Manipur
 kila pynlong ia ka “Lead Programme” ha kaba khyndai ngut ki nongialeh kai na ka Jylla kila shah jied ban leit shah hikai pyntbit ban ioh iashimbynta ha ki lympung ialehkai ka pyrthei (Interntional Level) bad ka Olympics.){kind=link}