Shillong Naitung 01: Kila don 12 ngut kiba la ïap, 2 ngut kiba la jah bad 7 ngut kiba la mynsaw na ka jingwan lynshop ka bor mariang ha u bnai Jylliew mynta u snem.
Naduh ka 1 tarik u Jylliew haduh ka 30 tarik u Jylliew, kila don 9 tylli k iDistrict jongka jylla kiba la shah ktah ha ka bor mariang kaba la wan lyngba ka eriong, erlangthari, jingpom pyrthat, ka jingshlei um, ka jingjur sap, ka jingtwa ka kyndew bad ki maw, ki jingjia kiba iadei bad ka jingpluh bad kiwei kiwei.
Kat kum ki jingkhein bala ioh na ka Tnad Disaster Management, la pyntip ba kila don haduh 212 tylli ki shnong kiba la shah ktah bad 26098 ngut ki briew kiba la shah ktah jur na ka jingwan lyngshop ka bor mariang ha kaba 12 ngut ki briew kila duh ia la ka jingim, 2 ngut kila jah bad 7 ngut kila mynsaw.
Kila don ruh 376 tylli ki jingtei kiba la shah ktah kiba kynthup ia 141 tylli ki jingtei kiba la julor lut, 182 kiba la julor kat ban biang, 22 tylli kiba la julor malu mala bad 31 tylli kiba dang don hapoh ka jingshah khmih bniah.
Nalor kane, kila don ruh 32 tylli ki mrad kiba la duh noh ia ki jingim jongki na ka jingwan lyngshop ka bor mariang.
Ki 9 Tylli ki District kiba la shah ktah ha ka bor mariang ki kynthup iaka North Garo Hills, East Khasi Hills, West Khasi Hills, Eastern West Khasi Hills, South West Khasi Hills, Ri Bhoi, East Jaintia Hills, West Garo Hills bad South West Garo Hills.
Ha ka 27 tarik mynta u bnai, ha ka por 2 baje nohphai sngi kala don ka jingshlei um ha Malang Khasi kaba hap ha Mawshynrut C&RD Block ha kaba 5 tylli ki Masi kila iap, 3 tylli ki ïing kila shah rong noh ha ka um bad kane ka jingwan lynshop ka bor mariang kala ktah jur ia ki 22 ngut ki briew.
Pule ruh: Shah jied ka VC ka USTM kum ka President jongka Association of Indian Universities
