Shillong, Jylliew 21:Ka Tnad ka Koit ka Khiah ka Jylla ryngkat ka Nationa AYUSH Mission, kila rakhe ia ka ‘9th International Day of Yoga 2023’ ha Community Hall jong ka skulbah NEHU Campus, Umshing, Mawkynroh haka jingdon lang ka myntri ka koit ka khiah kong Ampareen Lyngdoh.
Haba kren ha kane ka sngi ka kong Ampareen kala ong ba ka Yoga kadei ka buit bad ka jingkilan met kaba la slem bha naka bynta ban ioh iaka met ba koit ba khiah.
Ka kong Ampareen kala iathuh ruh iaki jingmyntoi kiba ioh naka jingleh iaka Yoga bad kala ong ruh baka Yoga ka wanrah jingmyntoi ym tang iaka met ka phad hynrei wat iaka jingmut jingpyrkhat.
Kala ong ba iaka Yoga la pdiang ha baroh kawei ka pyrthei namar ka Yoga ka iarap ban tehlakam iala la bor met bad bor pyrkhat khlem da pyndonkam ki bor dawai.
Ka kong Ampareen kala ong baka sorkar kala shim khia ban kyntiew iaka Yoga namar ka don bad ka ai shibun ki jingmyntoi iaki paidbah bad kala kyntu iaki paidbah ban pynmyllien ban leh iaka Yoga khamtam iaki Nurse kiba trei iaki kam kiba kham teh haka por.
Kala ai jingmut ban buh daka Yoga mat haki jaka sumar bad hospital khnang ba ki Nurse bad Doctors kin lah ban leh iaka Yoga.
Ha kane ka sngi rakhe Yoga Day, ka myntri ka tnat ka koit ka khiah kala plie ruh iaka YSLife Initiative kaba mut ‘Yoga Simplified for Daily Life’.
Iaka YSLife Initiative la pyntreikam naka bynta ban pynshlur iaki paidbah ban leh iaka Yoga kum shi bynta ban iada naki jingpang ba ia bit para briew.
Ha kane ka sngi ki Nurse jong ka Nursing School of Shillong Civil Hospital, Ganesh Das Hospital bad ka Myntri ka tnat ka koit ka khiah, kila shim bynta lang ban rakhe ruh iaka Yoga Day.
Ha sngi rakhe iaka Yoga Day la wan shim bynta ruh daka commissioner ka tnat ka koit ka khiah Dr Joram Beda bad DC ka East Khasi Hills ka kong R M Kurbah nalor kiwei kiwei de.
