Shillong Jylliew 06: U Myntri Rangbah ka jylla u Conrad K Sangma ula pyntip ba ka jingiakren iasuk hadpeng ka kynhun kieng atiar Hynniewtrep National Liberation Council (HNLC) bad ka Sorkar Jylla ryngkat bad ka Sorkar Pdeng kaba dei ban long ha ka taiew ba nyngkong mynta u bnai kala shah ktah noh namar ka jingiaumsnam ha ka jylla Manipur.
“Kumba baroh ngi ia tip ba ka Ministry of Home Affairs (MHA) ka dang bunkam bha bad ki tnad bapher jong ka jylla Manipur bad kumta ki kam ki jam kila kylla noh namar ka jingmih ka kynrum kynram” ong u Conrad K. Sangma haba iakren bad ki nongthoh khubor hadien ba la wai ka jingialang jong ka Kynhun Myntri kaba la long hynne ka sngi Baar.
Ula ong, ba ka Ministry of Home Affairs (MHA) ka don iaka jingsngewkhia ha kaba iadei bad ka jingiakren iasuk bad ka sorkar jylla kala ioh ban iakren bad ka sorkar pdeng bad ula pynthikna ba ka jingiakren iasuk kan sdang noh bad yn sa pyniaid noh shakhmat ia kane ka kam.
Katba na ka liang ka HNLC kala banjur ia ka jingdonkam ban map (amnesty) ban pyniaid shakhmat iaka jingiakren iasuk bad kila pynpaw ba ka jingiakren iasuk kan ym lah ban iaid shakhmat lada ka sorkar jylla bad ka sorkar pdeng kim pdiang iaka jingdawa ka Council ban map noh ia ki.
 bad ka Sorkar Jylla ryngkat bad ka Sorkar Pdeng kaba dei ban long ha ka taiew ba nyngkong mynta u bnai kala shah ktah noh namar ka jingiaumsnam ha ka jylla Manipur.){kind=link}