Nongpoh, Jylliew 05: Shibynta ban plie lad plie lynti ïa ki khun samla kiba don ïa ka sap ka phong ha ki bynta bapher bapher, ka Nehru Yuva Kendra Sangathan (NYKS), Ri Bhoi District, ka la pynlong da ka program kaba la mang na ka Ministry of Youth and Sport Affairs kaba la tip kum ka Yuva Utsav ha St. Paul Higher Secondary school ha Nongpoh.
Ia kane ka prokram la pynshongkun da ka jingiadon ryngkat u Bah Vincent H Pala, MP ka Lok Sabha kum u kongsan ha ka jingiadonlang ruh u Bah Mayral Born Syiem, MLA ka Nongpoh, u Bah D. Rapsang, Deputy Director ka NYKS nalor kiwei kiwei ki ophisar bad ki dkhot jong ka NYKS.
Haba kren ha kane ka sngi, u Bah Vicent H Pala u la pynpaw ïa ka jingkmen ban ïa shimbynta ha kum kane ka programme ban kyntiew ïa ka sap jong ki khun samla bad ruh ban ailad ïa ki kumno ban nang pynbit pynbiang ïa ka sap jong ki ha kito ki bynta ba ki don khnang ba ka lawei ka jong ki kan long kaba phyrnai.
“Kane ka juk kaba mynta ka la kham jwat bha haba nujor na ki por kiba la leit noh ha baroh ki liang, hynrei kum ki samla kim dei ban duh jingkyrmen hynrei ban ïai treiminot bad ban pyndonkam hok ïa la ka sap khnang ban kiew ha ka jingim ka jong ki”, ong u Bah Pala.
Ha kane ka programme, na ka liang ka NYKS ka la pynlong ïa ki jingiakop kiba kynthup ïa ka painting, poetry, mobile photography bad kiwei kiwei ki jingiakop ha kaba ki nongjop ha kine ki jingiakop kin iohlad ban shimbynta sha ka state level jong ka NYKS kaban sa long shen ha nongbah Shillong.
 ula ong ba ka seng sain pyrthei Voice of the Peoples Party (VPP) kaba ialam da u Bah Ardent Miller Basaiawmoit ka dei ban pdiang ia ka rai jong u paidbah ha ka por elekshon bad ula ong ruh ba ka VPP ka pyrshang ban pyniaid ia kiwei kat kum ka mon jong ka (dictate terms) watla kala jop tang 4 ngut ki MLA.){kind=link}