spot_img

“Ngam iohi ban mih ka jingeh ha ka Sorkar MDA-2 namar ka result elekshon Sohiong”: Ampareen

Date:

Share post:

Shillong, Jymmang 15 : Ka Nongialam ka NPP bad Myntri Sorkar Kong Ampareen Lyngdoh hynne ka sngi Nyngkong kala ong ba kam iohi satia ban mih kano kano ka jingeh ha ka Sorkar Meghalaya Democratic Alliance-2 namar ka result jong ka elekshon MLA ha Sohiong.

“Ngam iohi satia ban kan don ka jingeh ha kane ka Sorkar nangne shakhmat” ong ka Kong Ampareen haba iakren bad ki nongthoh khubor.

U Kyrtong ka United Democratic Party Bah Synshar Kupar Roy Lyngdoh Thabah, ula jop ia ka elekshon ha Sohiong da ka ba pynliem ia u kyrtong ka NPP bad MLA barim Bah Samlin Malngiang da 3422 vote.

Haba pynpaw baka don ka jingialeh kaba itynnad hapdeng ki artylli ki seng sain pyrthei ba iadonlang ha ka MDA, ka kong Ampareen kala ong “Mynta, ka elekshon kala kut bad ngi la dei ban iaid beit shakhmat. Kam shym la don satia kano kano ka jingsngew buhkhoh namar ngi la pyni ia ka jinglah jong ngi ban khmih ia ka elekshon kum ka kam sha lyngkha treikam bad ka jingpyniaid ia ka Sorkar ka dei ka kam kaba iapher, namar kata ngi la pynbynta ia kine ki artylli ki kam”.

Kala kdew ruh ba ka elekshon ba dang shu dep ha Sohiong kala jia tang khyndiat por hadien ka general eleskhon bad ong “Ka shimpor tang shibnai shiteng…hynrei ki paralok jong ngi ha ka Sorkar synrop kala jop ia ka seat…kam don jingpher satia”.

“Mynta ngi la khmih ban ia iaid lynti ha kane ka Sorkar synrop bad ngi kyrmen ba shen ngin sa iashonglang ha ka miej ban iakren halor ki common minimum programme jong ngi” kala ong.

Share post:

spot_img
spot_img

Popular

More like this
Related

Tuid ki kam pynroi sha ka shnong ba pynbor iakhun MDC | Plie u Sanbor ia lai tylli ki project

Shillong, Nailar : U MLA ka Shillong South Bah...

Assam | Pynphai ki bor pahara ia 21 ngut ki nong Bangladesh na khappud Sribhumi

Guwahati, Nailar 16: Ha ka jingkhynra ha ka por...

Durand Cup | Beh nadien ka Shillong Lajong ia ka Indian Navy ban ioh rung sha ka semi-final

Shillong, August 16, 2025: Ka Shillong Lajong FC kala...

Manipur | Shah kem 5 ngut ki ehrang kaihlaw | Kurup bun ki suloibad kuli

Imphal, Nailar 16: Ha kawei na ka jingkhynra da...