Shillong, Jymmang 10 : Ka Sorkar Pdeng ka long kaba kloi ban kyrshan ia ka Jylla Meghalaya ba kan kyntiew iala ki jong ki nongthain jain bad ka kam pynmih jain ha ka Jylla.
Ia kane la pyntip da u Myntri ka Tnad Textile Bah Pual Lyngdoh haba iakren bad ki nongthoh khubor hynne ka sngi Balang.
Ula pyntip ba ka Myntri ka Tnad Railway bad Textile Darshana Jardosh, kala wan iuhkjat hynne ka sngi ha Jylla bad kala ioh ban iakren bad ki nongthain jain bad ki nongthain jingthain da ka kti nalor ka jingsam ia ka Poshan ID Card sha ki.
“Ngan sa iakynduh ia ka bad kane ka dei ka jingleit iakynduh kum ka jingburom ia ka Myntri bad ngan sa pynsngew ruh ia ki katti katne ki jingeh jong ki nongthain jain bad kiwei kiwei kiba don jingiadei bad ka kam pynmih jain” ula ong.
Kat kum ka jingong jong u, ka long kaba donkam ban kyntiew ia ka jingsngewthuh hapdeng ki nongthain jain bad ki nongthain jingthain da ka kti halor ka jingtreikam ka Tnad Textile lyngba ki Nongmihkhmat paidbah bad ki Dorbar Shnong bad ki Khlieh Nongsynshar khnang ba ka Sorkar kan lah ban iarap ia ki.
Haba kylli, u Myntri ula pyntip ba un sa aiti da ka dorkhas sha ka Myntri haba bynrap ‘Ka (Darshana) la dep pynpaw ia ka jingkwah ban kyrshan ia ka Jylla Meghalaya”.
Pule lang ia kane: Ngin nang pynjur ban kyndang ia ka kam pynshong kurim khynnah, ong u Himanta Biswa
