Guwahati, Jymmang 10: Ki Pulit ka Guwahati Crime Branch, hynne ka janmiet sngi Balang, kila ioh ban kurup ia bun bah ki biskit ksiar na Fancy Bazaar, Guwahati.
Ki Pulit kila ioh ban bat markhmat ia lai ngut ki nongkhaii beain katba ki dang thmu aiti ia kine ki ksiar sha kawei ka dukan.
Kat kum ka jingong ki Pulit, ka dor jong kine ki biskit ksiar la antad ba kan kot kumba T. 36 lak eiei.
Kine ki Nongkhaii kila wanrah ia kine ki ksiar ban aiti sha kawei ka dukan ha ABZ Complex kaba don ha Lokhtokia, Guwahati.
Kine ki Nongkhaii ki dei kiba la ithuh da u Revti, Raman, Soni, kiba dei na Bikaner, Rajasthan.
Ka Crime Branch ka dang iai bteng ban pynlong ia ka jingkhynra hapoh ka Nongbah hadien kane ka jingioh kurup ia kine ki biskit ksiar.
