Shillong, Jymmang 09 : Ka Myntri ka tnad Agriculture bad Farmers’ Welfare Kong Ampareen Lyngdoh kan sa lum ia ka jingialang ha ka 16 tarik Jymmang ban iakren halor ki jingeh kiba mih na ka jinghiar kynsan ka dor jong u synsar hapoh ka Jylla.
“Ngan sa khot ia ka jingialang ha ka 16 tarik Jymmang ha kaba ngin sa iakren ia kane ka jinghiar kynsan ka dor u synsar kaba la ktah jur ia ki nongrep synsar” ong I Kong Ampareen haba iakren bad ki nongthoh khubor.
Ila bynrap “Kin sa batai bniah ia nga halor ka jinglong jingman baroh hynrei ngin sa shim ia ki sienjam ba donkam ban pynthikna ba kane kam dei ban jia bad ba kane ka iew synsar kam dei ban bteng slem”.
I Kong Ampareen ila pynpaw ba im pat lah satia ban kren palat halor kane ka kam namamr ka Tnad kan dang ban pynlong ia ka jingialang bad ki nongrep hynrei ila kular “Ka Sorkar ka sngewkhia bad kala khmih bniah ia kane ka kam”.
Shuwa kane, u MLA barim ka Mawsynram Bah HM Shangpliang ula pyntip ba ka dor jong u synshar kala hiar sha ka T. 90 na ka T. 130.
