Imphal, Jymmang 6: Hadien ka jingwanrah ia ki shipai ban pahara ha kylleng ki jaka, ka jinglong jingman ha Churachandpur, KPI Moreh bad Kakching kila kham jai jai mynta.
“Namar ka jingkloi ban shimkhia da ki shipai, ka Churachandpur, KPI, Moreh bad Kakching kila don mynta ha ka jingpyn iaid jong ki shipai bad ym shym la don shuh kano kano ka jingkulmar kaba jur naduh hynnin ka miet sngi palei” ong ki shipai.
“Haduh 13000 ngut ki nongshongshnong la lah ban ai jingiarap bad kine kila sah ha ki jaka bala pynbeit shipor ha ki jaka jong ki shipai” kila pyntip.
Ki shipai kila pyntip ruh ba ha kine ki 12 kynta (step sngi Thohdieng haduh janmiet), ka Imphal East bad West District kila sakhi ia ki jingjia wiangding bad ki jingpyrshang jong ki riew shim kabu ban pakhang ia ka surok”.
U Myntri kam Pohiing ka Ri Amit Shah ula peit ngor bad buddien bha ia ka jinglong jingman ha Manipur.
U Amit Shah ula pynlong haduh artylli ki jingialang bad u Myntri Rangbah ka Manipur N Biren Singh lem bad ki Heh Ophisar ka Jylla lyngba ka video conferencing bad ula shongbishar halor ka jinglong jingman ka suk ka sain hapoh kane ka Jylla.
Ha kajuh ka por, ka Sorkar pdeng kala nang phah ia ki pyrton shipai sha Manipur ban pynkhlain shuh shuh ia ka jingpahara ha kaban lah tehlakam ia ka jingpur ka jingiakynad pher Jaidbynriew.
