Shillong, Jymmang 06 : Ka United Christian Forum of NEI (UCFNEI) kala kyrpad ia baroh ki jaidbyriew ba iasnohkti lang ha jingiaduwai lang na ka bynta ka jingsuk bad ban pynsnageh noh ia baroh ki jingiaumsnam bad jingpyniap ha Manipur ha ka por pynlong jingduwai hala ki jong ki Iingmane bad ki Fellowship.
Ha ka jingialang ba kyrkieh bala pynlong hynnin ka sngi Thohdieng ha Guwahati, ki dkhot ka UCFNEI ki sngew ba ka jingduwai ka dei kaba atiar kaba khlain bor bha ban wanrah lang hajuh iaki briew bad ban kyrpad ia ka jingtuklar bad jingtbin lynti da u mynsiem bakhuid.
Ki Ngeit ba kane ka sienjam ka lah ban synniang sha ka shongsuk shongsain bad jingjai jai ha ka thain bad ban ai mynsiem ia ka jingkylla kaba bha haba burom ia ka longbriew man briew.
Namar kata, ka UCFNEI kala khot ia baroh ki Balang bad ki seng niam ban ianohkti lang ha ka 7 tarik Jymmang ban iaduwai lang na ka bynta ka jingsuk bad ban pynkut noh ia ka jingiaumsnam ha Manipur haba pynlong ia ki jingduwai hala ki jongki Iingmane.
