Shillong, Jymmang 05: Ka Office jong ka State Tubercolosis lyngba ka National Tuberculosis Elimination Program (NTEP) hynne ka sngi Thohdieng, ka la pynlong ia ka jingpynshai paidbah ia ki khynnah skul, ki longkmie longkpa bad ki samla ha kaba iadei bad ka jingpang TB.
Ia kane ka program la pynlong ha ka shnong Sohra Kut Madan Hall kaba hap hapoh ka East Khasi Hills District ha ka jingiadonlang u rangbah shnong, ki nongtrei ASHA, ki Staff jong ka Community Health Center (CHC) bad kiwei ki wei de.
Ki nongkren ha kane ka sngi kila pynshai daka ba ong ba ka jingpang TB kadei ka jingpang kaba iabit kaba saphriang lyngba ka lyer hynrei ka don pat ka lad ban iada na ka jingiabit na kane ka jingpang.
Ka State Coordinator ka kong Tracy Kharkamni ka la ong ba ha kane ka shnong, la don u wei u ba la iap na kane ka jing pang na ka daw ka jingbymlah pynbiang ia ka jingdih dawai ka ba man ka sngi, hynrei donbok pat ba uwei u la koit noh na kane ka jingpang. Kumta ka la kyntu ia baroh ki nongshong shnong ka Sohra kut madan ban iada da kaba kin deng ia ka jingda khmut (Mask) haba ki don ia ka jingpang TB khnang ban lait ka jingbit sha kiwei pat ki briew.
Ka kong Tracy kala ong ba haduh mynta ki nong pang TB ha kane ka shnong ki don kumba 6 ngut bad na ka liang ka TB Office ka la ioh ban iarap da ka jingai ia ki bam tei met kum ka pylleng, ki biskit bad kiwei kiwei de ki jing bam kiba tei ia kamet ban pynkhlaiñ ban lait na kane ka jngpang.
Naka liang jong ki Doctor ki la pynshai ba ka dak jong ka jingpang TB haba sdang kadei na ka jingjur ka jyrhoh, ka jingtlot ha ka met, ka jingsngewshit ha ka met bad kiwei kiwei.. Kumta khnang ban lait na kane ka jingpang ka long kaba donkam ban dih tista ia ki dawai bad ba dei ban leit test noh kloi kloi ha ki jaka ai jingsumar.
