Shillong, Jymmang 05: Ki shipai BSF kiba pahara ha ki khappud Bangladesh ha ka thain West Jaintia Hills kila ioh ban kurup 70 tylli ki masi kiba thmu ban khaii be-aiñ sha Bangladesh.
Ki BSF kiba pahara ha ka thain Amlarem ha ka sngi palei, kila ioh ia 5 tylli ki trok kiba la shu thynnian da ki masi haduh 70 tylli kiba thmu ban leit sha khappud. Ki BSF kila pynsangeh ia kitei ki trok hynrei kim shym la sangeh satia bad kila pynher sted pynban da ka jingthmu ban phet krad.
Ki BSF kila behthong ia kine ki trok bad kila ioh ban bat ha ka jaka ba jngai kumba 3 km eiei. Ki nongniah bad ki nongbud jong kine ki trok, kila phet krad shapoh ki khlaw ki btap bad kila ieh shadien ia ki 5 tylli ki trok, kawei ka Bolero Pickup.
Ki BSF kila ioh ban kem tang ia arngut ki briew na kitei ki trok bad kine ki dei kiba na Asssam. Ia kine ki briew bad ia ki kali bad masi la aiti noh sha ki pulit ka Amlarem ba kin leh ia kaba donkam.
Pule lang ia kane: Shimpor 3 snem ban pynwandur ia ka Mining Plan ka Meghalaya, ong u CM halor ka jingioh tih dewiong biang
