Shillong, Iaiong 17 : Ka jngthombor pyrshah ia ki paid Pnar kiba sah ha Block-I ka dang iai bteng beit bad hynne ka sngi la sakhi ia bun bah ki paid Karbi kiba leit ban pynkulmar ha ka shnong ki Pnar kaba don ha Mowjem, kaba hap ha Block-I.
La kynnoh ba ha kine ki khyndiat snem bala leit noh, ki Karbi ki ju pan jingbit na ki Pnar ban leit rep ha ki jaka jong ki hynrei ha ha jingiiad ka por, ki karbi kila kam trai shna da ki Iing ki sem ha kine ki jaka kiba dei jong ki Pnar.
Dang ha kine ki khyndiat taiew, katto katne ki Karbi kila pan jingbit na ki Pnar ba kin rep synsar ha ka jaka jong ki bala tip kum ka Iaw Muksow, Sopiang hynrei ki Pnat kila kyntait pynban ki Karbi kila leit rep jubor khlem da pynsngap iano iano ruh.
La pyntip ba ha ka 15 tarik Iaiong, katto katne ki runar kila leit ban pynjulor ia une u synsar kaba la pynmih ia ka huri hura hapdeng kine ki ar jaidbynriew hynne ka sngi ha shnong Mowjem, kaba la pynbor ia ki bor sorkar na baroh ar Jylla ba kin tuklar bad pynjai jai ia u paidbah.
Ka KSU-WJHD kila leit ban jurip sha kane ka shnong tang mar syn ioh jingtip ia kane ka jingjia bad kila kyrpad ia ka Sorkar Jylla ban shim ia ka sienjam ha kaban pynbeit noh ia ka jingiakajia pud.
